रवि र छविको मुद्दामा सुनुवाइ हुँदै

काठमाडौँ । सहकारी ठगी र संगठित अपराध आरोपमा थुनामा रहेका रास्वपा सभापति रवि लामिछाने र तत्कालीन गोर्खा मिडिया सञ्चालक छविलाल जोशीको मुद्दामा आज सुनुवाइ भइरहेको छ।

उच्च अदालत बुटवलका अनुसार मुद्दा आजको पेसीमा सूचीकृत गरिएको हो। यसअघि रवि पक्षका कानुन व्यवसायीहरूले दुईपटक निवेदन दिएपछि बहस रोकिएको थियो।

बुटवलस्थित सुप्रिम सहकारी ठगी प्रकरणमा पुर्पक्षका लागि थुनामा रहेका लामिछानेले सहकारीमा भएको अपचलनबापत आफूलाई तोकिएको बिगो रकम दाखिला गरे पनि रुपन्देही जिल्ला अदालतका न्यायाधीश नारायण सापकोटाको इजलासले साउन २६ गते उनको रिहाइ अस्वीकार गरेको थियो।

जिल्ला अदालतको आदेशविरुद्ध लामिछानेले भदौ ९ गते उच्च अदालतमा पुनरावेदन दर्ता गराएका थिए।