Plus Two पछिको विदेश जाने लहर अनि नेपालमा भविष्य नदेखिने वास्तविकता

काठमाडौँ । नेपाल सानो भूभाग, तर अपार सम्भावना बोकेको देश हो । हिमाल, पहाड, तराई  विविधता भएको, पानी, कृषि, पर्यटन, जडीबुटी, जलविद्युत् जस्ता स्रोतले भरिपूर्ण भएको  देश हो ।

 

तर वास्तविकता के छ भने, यी सबै सम्भावना कागजमा मात्र बाँकी छन्। देश चलाउने नेतृत्व, नीति बनाउने संस्था, र कार्यान्वयन गर्ने निकायले आफ्नो जिम्मेवारी पुरै निभाउन सकेनन्। त्यसको सबैभन्दा ठुलो असर आजको युवामा परेको छ।

 

आज plus two सकेको मात्र केही हप्ता नबित्दै, हजारौँ युवाले "विदेश नै जानुपर्छ" भनेर निर्णय गरिरहेका छन्। चाहे त्यो Australia होस्, Japan, UK, Canada,USA  वा Korea सबै देश नेपाली युवाले भरिँदै छन्। यो लहर यत्तिको छ कि, परिवारले पनि अहिले विदेश जानु नै ‘सुरक्षित भविष्य’ भएको जस्तो बुझ्छन्।

 

किन यस्तो भयो?

 

नेपालमा कामको कमी होइन, व्यवस्थापनको कमी हो।

अवसरको कमी होइन, जिम्मेवारी र पारदर्शिताको कमी हो।

स्रोत छैन भने होइन स्रोतको दुरुपयोग छ।

 

नेतृत्व कमजोर

सही योजना, दीर्घकालीन दृष्टि, र देश बनाउने सोच कम देखिन्छ। राजनीतिक अस्थिरताले युवा दिग्भ्रमित हुन्छन्।

 

रोजगारको अभाव

पढेको अनुसारको काम, उचित तलब, सुरक्षा, र सम्मान युवाले खोज्छन्। नेपालमा सीप अनुसारको जागिर पाउन गाह्रो छ।

 

कम्पनीहरूको अव्यवस्था

धेरै कम्पनीले श्रमिकलाई मूल्य दिँदैनन्। समयमै तलब नदिने, सुविधा नदिने, करियर विकास नदिने प्रवृत्ति धेरै देखिन्छ।

 

सिस्टममै समस्या

सरकारी कार्यालयमा ढिलासुस्ती, भ्रष्टाचार, लापरबाही। युवाहरू यस्ता वातावरणमा करियर बनाउने सपना देख्नै डराउँछन्।

 

परिवारको मानसिकता

“विदेश गएपछि जीवन राम्रै हुन्छ” भन्ने समाजको धारणा धेरै मजबुत छ। यो पनि युवालाई धकेल्ने अर्को कारण हो।

 

तर नेपालमा सम्भावना छैन? छ! अत्यन्तै छ!

 

नेपाल यदि राम्रो नेतृत्व, सही नीति, र जिम्मेवार नागरिक पाए यो राष्ट्र बलियो १० वर्षमै बन्न सक्छ।

यहाँ:

 

कृषि व्यवसाय

 

पर्यटन उद्योग

 

जलविद्युत्

 

IT र tech स्टार्टअप

 

औद्योगिक विकास

 

घरेलु उत्पादन

 

सेवा क्षेत्र (hospitality, banking, education)

 

जस्ता क्षेत्रमा असीम सम्भावना छ।

 

समस्या ‘अवसरको अभाव’ होइन, ‘अवसर व्यवस्थापन नहुनु’ हो।

 

युवालाई रोक्न के गर्नुपर्छ?

 

सरकारले युवामैत्री नीति बनाउनु जरुरी छ नयाँ उद्योग खोल्न सजिलो प्रक्रिया, कर सहुलियत, स्टार्टअप अनुदान। विदेशमा कमाइएको सीप नेपालमै प्रयोग गर्ने वातावरण बनाइनुपर्छ। इमानदार नेतृत्व प्रतिबद्ध र पारदर्शी शासन।

 

 

कम्पनीहरूले कर्मचारीलाई सम्मानजनक सुविधा दिनुपर्छ। नागरिक पनि जिम्मेवार हुनुपर्छ छोटो बाटो खोज्ने, आफैँ नियम नमान्ने प्रवृत्तिले देश बनिँदैन।युवा नै देशको मेरुदण्ड

युवाको शक्ति विदेशतिर बगिरहेको छ।

देशले लगानी गरेको शिक्षा, सीप, क्षमता सबै विदेशी भूमिमा प्रयोग भइरहेको छ।

यदि नेपालको भविष्य उज्यालो चाहिन्छ भने, युवालाई नेपालमै अवसर दिनुपर्छ, मूल्य दिनुपर्छ, सपना देख्न डर नलाग्ने वातावरण दिनुपर्छ।

 

नेपाल बनाउने सबैभन्दा ठुलो शक्ति युवामै छ।

यदि हामीले युवालाई सम्हाल्न सक्यौँ भने यो सानो देश पनि संसारलाई उदाहरण दिन सक्ने क्षमता राख्छ।