खेलकुदब्रेकिङ
एमबाप्पेको गोलमा रियलको जित
२०२६ जनवरी २५: १४:२८
नव न्युज संवाददाता
रियल मड्रिडले भिल्लारियललाई २-० ले हराउँदै ला लिगाको शीर्ष स्थानमा उक्लिएको छ।
एस्टाडियो दे ला सेरामिकामा भएको खेलमा किलियन एमबाप्पेले दुई गोल गरे। उनले ४७औँ मिनेटमा पहिलो गोल गरे भने इन्जुरी समयको चौथो मिनेटमा पेनाल्टीबाट दोस्रो गोल गर्दै टोलीलाई जित दिलाए।
यो जितसँगै रियलको बार्सिलोनाको भन्दा २ अंक बढी छ। पहिलो हाफको उत्कृष्ट अवसर २०औँ मिनेटमा आर्दा गुलरलाई मिलेको थियो । तर उनको प्रहार सिधै गोलरक्षक लुइज जुनियरतर्फ गयो।
दोस्रो हाफको सुरुमै भिनिसियस जुनियरको मेहनतपछि एमबाप्पेले रिबाउन्डमा गोल गर्दै गोलको खाता खोले।
त्यसपछि दुवै टोलीले केही अवसर बनाए पनि गोल भएन ।
अन्तिम समयमा एमबाप्पेमाथि फाउल भएपछि पेनाल्टी पाएका रियलका लागि उनले गोल गर्दै जित पक्का गरे। 
#खेलकुद
पाठक टिप्पणी
पहिलो टिप्पणी लेख्नुस्।
ताजा टिप्पणीहरू
टिप्पणीहरू लोड हुँदैछन्...