रवि–बालेन भेटवार्ता जारी, सकारात्मक नतिजाको अपेक्षा

काठमाडौं: स्वतन्त्र पार्टीका सभापति रवि लामिछाने र काठमाडौं महानगरपालिकाका प्रमुख बालेन्द्र शाहबीच जारी भेटवार्तालाई राजनीतिक वृत्तले चासोका साथ हेरिरहेको छ। भेटवार्ताबाट सहमतिपूर्ण र सकारात्मक निष्कर्ष निस्कने अपेक्षा गरिएको छ।

राजनीतिक विश्लेषकहरूका अनुसार दुवै पक्षले लिने निर्णयले वैकल्पिक राजनीतिक धारको भविष्यमा प्रभाव पार्न सक्छ। पछिल्लो समय चर्चामा रहेका मिति २३ र २४ गतेसँग सम्बन्धित विषयमा समाधान खोज्ने प्रयासस्वरूप यो भेटवार्ता महत्वपूर्ण मानिएको छ।

यसैबीच, आफूलाई वैकल्पिक र लोकप्रिय शक्ति मान्ने दल, व्यक्ति तथा युवा पुस्ताबीच देखिने असमझदारीले जनतामा निराशा बढ्न सक्ने भन्दै एकता र सहकार्य आवश्यक रहेको धारणा व्यक्त गरिएको छ।